12:49 / 18.08.2018
9553

Qozog‘istonda Rossiya benzini importi uch oyga taqiqlanadi

Foto: Pavlofox

25 avgustdan boshlab Rossiyadan Qozog‘istonga benzin importi uch oyga cheklanadi. Energetika vazirligining tegishli buyrug‘i 17 avgust kuni «Qozog‘iston haqiqati» gazetasi tomonidan e'lon qilindi.

Hujjatga ko‘ra, taqiq temir yo‘l transporti orqali olib kelinuvchi 92- va 98-benzinga nisbatan qo‘llaniladi. Qozog‘iston Energetika vazirligi taqiqni Qozog‘iston neftni qayta ishlash zavodlari tomonidan ishlab chiqariladigan benzin profitsiti bilan bog‘lagan.

Qozog‘istonda rasmiy darajada Rossiya benzini importini taqiqlash haqida gap-so‘zlar may oyida boshlangandi. Biroq, bu masala muntazam ravishda ortga surilib keldi. 7 avgust kuni respublika energetika vaziri o‘rinbosari Bolat Akchulakov taqiq avgust oyida kuchga kirishi haqida ma'lum qildi.

Mavzuga oid
Top