Фото: Ralph Orlowski/Reuters
Туркия ҳарбийлари Суриянинг Манжиб шаҳрига америкалик ҳарбийлар билан бирга кириб боради. Бу ҳақда Туркия ташқи ишлар вазири Мавлут Човушғўлу маълум қилди.
Човушғўлу бундай баёнотни АҚШ давлат котиби Майк Помпео билан НАТОнинг Брюсселдаги бош қароргоҳидаги учрашувидан кейин айтган.
Унинг таъкидлашича, Манжибда ҳозирча француз ҳарбийлари йўқ.
Аввалроқ Франция курдларга ёрдам бериш учун Манжибга қўшинларини жўнатишга қарор қилгани маълум қилинган.
Январда Туркия президенти Ражаб Тоййиб Эрдўған Анқара Манжибни террорчилардан тозалашига ваъда берганди.
