Қўшимча функционаллар
-
Тунги кўриниш
Ўзбекистонда ҳокимият вакилига қаршилик учун жиноий жавобгарлик кучайтирилди
Жиноят кодекси ва Маъмурий жавобгарлик тўғрисидаги кодексга ўзгартишлар киритишни назарда тутувчи қонун президент томонидан имзоланди.
Фото: Shutterstock
Ўзгартишларга кўра, ҳокимият вакилига ёки фуқаровий бурчини бажараётган шахсга қаршилик учун жиноий жавобгарлик кучайтирилди.
Бундай ҳаракатлар: базавий ҳисоблаш миқдорининг 50 бараваридан 100 бараваригача жарима (илгари фақат 50 бараваригача); 1 йилдан 3 йилгача озодликни чеклаш (илгари 1 йилгача); 1 йилдан 3 йилгача озодликдан маҳрум қилиш билан жазоланади (илгари 1 йилгача).
Маъмурий жавобгарлик тўғрисидаги кодексда ҳокимият вакилининг, ички ишлар ва Миллий гвардия ходимларининг қонуний талабларини бажармаганлик учун ҳам жавобгарлик чоралари кучайтирилиб, жарима миқдорлари оширилди.
Аввалроқ, Олий Мажлис Қонунчилик палатаси депутати Қодир Жўраев ушбу қонун лойиҳаси юзасидан ўз хавотирларини билдирган эди.
Мавзуга оид
11:39 / 29.08.2024
Пиротехниканинг қонунга хилоф муомаласи учун жавобгарлик кучайтирилди
08:14 / 29.08.2024
Ўқотар бўлмаган қуролни ўз ихтиёри билан топширганлар жавобгарликка тортилмайди
07:33 / 24.07.2024
Тегишли малакага эга бўлмай туриб психологик ёрдам кўрсатганлик учун жавобгарлик белгиланади
10:59 / 16.07.2024