Янги Зеландиянинг Крайстчерч шаҳридаги иккита масжидда жума намозидан кейин содир этилган отишма оқибатида камида 27 киши ҳалок бўлди. Шифохоналарга 30 га яқин ярадор етказилди. Бу ҳақда Otago Daily Times нашри хабар берди.
Дастлаб отишма бир масжидда содир этилгани ва 6 киши яралангани маълум қилинган.
Дастлабки маълумотларга кўра, қуролланган кишилар маҳаллий вақт билан соат 13:45 да ёнма-ён жойлашган Ан-Нур ва Линвуд масжидига бостириб кириб, чиқиш эшикларини ёпиб, намозхонларни ўққа тута бошлаган. Отишма содир бўлган вақтда масжидда мос равишда 200 ва 300 га яқин киши бўлган.
Маҳаллий полиция босқинчилардан бири ушланганини маълум қилган. Полиция комиссари Майк Бушнинг таъкидлашича, шаҳарда бошқа босқинчилар бўлиши мумкин. Крайстчерч аҳолисига уйларини тарк этмаслик тавсия қилинган, мактабларда машғулотлар бекор қилинган.
#Breaking: Just in - Alleged video of the shooter being rammed by the police of #NewZealand after the shootings at the Al-Noor mosque and another, in the #Christchurch Terror attack. pic.twitter.com/6w5ze3qufX
— Sotiri Dimpinoudis (@sotiridi) March 15, 2019
The New Zealand Herald нашрининг маълум қилишича, босқинчилардан бири ҳужум олдидан интернетда 37 саҳифалик манифест эълон қилиб, унда ўз режалари ҳақида маълум қилган.
Шунингдек, бошқа маълумотларга кўра, шаҳарда автомобил портлаган.