Халқаро пресс-клубнинг 2020 йил Давлат дастурига бағишланган навбатдаги сессияси бўлиб ўтди. У ижтимоий соҳага бағишланди.
![](https://storage.kun.uz/source/5/XL4VnFALAMYZVtOaO8tZmlcfNIZAY2VE.jpg)
Фото: Халқаро пресс-клуб
Халқ таълими вазири ўринбосари Дилшод Кенжаев тадбир давомида бир қатор янгиликлар тўғрисида маълумот берди
“Яқин вақт ичида мактаблардаги синфлар йўналишига қараб 5та гуруҳга ажратилади. Булар - аниқ фанлар, гуманитар, тиббиёт ва бошқалар.
2020-2021 йилдан бошлаб халқ таълимида ўқитишнинг миллий дастури ишлаб чиқилади.
Бу йил давлат бюджетидан 18,6 триллион сўм маблағ Халқ таълими соҳасига ажратилган. Уларнинг 90 фоизи соҳа ходимларининг ойлик маблағларини шакллантиради”, - деди у.
Шунингдек, Дилшод Кенжаевнинг сўзларига кўра, айни вақтда республика бўйлаб 3500 та мактабда спорт заллари мавжуд эмас.
Бундан олдин, халқ таълими вазири Шерзод Шерматов таълим соҳасидаги ўзгаришлар ҳақида гапирганди.