Фото: REUTERS
АҚШ президенти Дональд Трампнинг твиттерда маълум қилишича, Америка томони Суриядан қўшинларни олиб чиқишни бошлади.
Унинг сўзларига кўра, АҚШ бир вақтнинг ўзида Сурия Араб Республикасида қолган ИШИД террорчилик гуруҳи жангарилари билан кураш олиб бормоқда.
Шунингдек, унинг қўшимча қилишича, Сурия ҳудудида ИШИД жангарилари жуда кам миқдорда қолган.
Аввалроқ, АҚШ давлат котиби Майк Помпео ИШИДнинг йўқ қилиниши мамлакат учун Сурияда устувор вазифа бўлиб қолишини айтганди.
Эслатиб ўтамиз, бундан аввал CNN АҚШ Суриядан ҳарбий техникани олиб чиқишни бошлагани ҳақида хабар берганди.
