14 ноябрь куни Ўзбекистон давлат консерваториясида 10 ёшли иқтидор эгаси Жаннат Ҳусейнзоданинг яккахон концерт дастури бўлиб ўтди. Бу ҳақда “Туркистон-пресс” агентлиги хабар бермоқда.
Концерт дирижёр ва бадиий раҳбар Муборак Лутфуллаева бошчилигидаги “Ўзбекистоннинг ёш иқтидорлари” камера оркестри иштирокида ўтказилди.
Томошабинлар ёш истеъдод соҳибининг бирйўла уч қирраси билан танишиб чиқди. У пианист, мусиқий асарлар муаллифи ва дирижёр сифатида қатнашди.