Россиянинг «Аэрофлот» авиакомпаниясига тегишли самолёт Нью-Йоркдан Москвага учиш вақтида йўловчилардан бирида тўлғоқ бошланиши туфайли Канада ҳудудида мажбуран қўнди. Бу ҳақда CTV News мухбири ўз твиттери орқали хабар тарқатди.
PASSENGER IN LABOUR Aeroflot #SU101 New York to Moscow flight diverted. Now on the ground at @GanderAirport pic.twitter.com/R0Ux8iBQ6X
— Tom Podolec CTV News (@TomPodolec) 30 декабря 2015
Flightradar24 сайти маълумотига кўра, бу самолёт 29 декабрь куни Москва вақти билан соат 23:14да Нью-Йоркдаги Жон Кеннеди аэропортидан ҳавога кўтарилиб, 30 декабрь куни соат 07:20да Москвадаги Шереметьево аэропортига қўниши кутилаётганди.
Қайд этилишича, самолёт ҳавога кўтарилганида йўловчилардан бирида туғуруқ жараёни бошланган. Учувчилар йўналишни ўзгартириб, Канаданинг Ньюфаундленд оролидаги Гандер шаҳрига қўнишга қарор қилишган.