Rossiyaning «Aeroflot» aviakompaniyasiga tegishli samolyot Nyu-Yorkdan Moskvaga uchish vaqtida yo‘lovchilardan birida to‘lg‘oq boshlanishi tufayli Kanada hududida majburan qo‘ndi. Bu haqda CTV News muxbiri o‘z tvitteri orqali xabar tarqatdi.
PASSENGER IN LABOUR Aeroflot #SU101 New York to Moscow flight diverted. Now on the ground at @GanderAirport pic.twitter.com/R0Ux8iBQ6X
— Tom Podolec CTV News (@TomPodolec) 30 dekabrya 2015
Flightradar24 sayti ma'lumotiga ko‘ra, bu samolyot 29 dekabr kuni Moskva vaqti bilan soat 23:14da Nyu-Yorkdagi Jon Kennedi aeroportidan havoga ko‘tarilib, 30 dekabr kuni soat 07:20da Moskvadagi Sheremetevo aeroportiga qo‘nishi kutilayotgandi.
Qayd etilishicha, samolyot havoga ko‘tarilganida yo‘lovchilardan birida tug‘uruq jarayoni boshlangan. Uchuvchilar yo‘nalishni o‘zgartirib, Kanadaning Nyufaundlend orolidagi Gander shahriga qo‘nishga qaror qilishgan.