Энг узоқ вақт пианинода мусиқа чалиш бўйича Гиннес рекорди соҳиби, ўн тўққиз ёшли ҳинд мусиқачиси Мритюнжай Шарма (Mrityunjay Sharma) дунёдаги энг тез пианиночи номини олишни режалаштирмоқда, деб хабар беради IANS ахборот агентлиги.
“Ҳозирги рекорд 765 клавишани бир дақиқада боса олган венгриялик Бэнс Питерга (Bence Peter) тегишли. Мен жуда катта кўрсаткичга эришишни мақсад қилмадим, аммо у шундай бўлиши керакки кейинги рекордни ўрнатиш жуда қийин бўлсин”, - дейди мусиқачи.
Ҳиндистонлик мусиқачи 2015 йилда ёши катта ва тажрибали рақиби польшалик Ромуальд Коперскийнинг рекордидан ўзиб кетган. Ромуальд 103 соат давомида мусиқа ижро этган бўлса, Шарманинг кўрсаткичи 127 соатни ташкил этган ва ажойиб мусиқий марафонни амалга ошира олган.
