Ойсултон Назарбоев Қозоғистон футбол федерациясидаги (ҚФФ) лавозимидан озод этилди, дейилади ташкилот расмий сайтидаги хабарда.
«Ойсултон Назарбоев Қозоғистон футбол федерацияси вице-президенти вазифасини бажарувчи лавозимидан йўллаган аризаси туфайли озод этилди», - дейилади хабарда.
Эслатиб ўтамиз, жорий йилнинг февраль ойида Ойсултон Назарбоев ҚФФнинг ФИФА, УЕФА халқаро ташкилотлари ва миллий ассоциациялар билан алоқалар бўйича вице-президенти лавозимига тайинланганди.
Ойсултон Назарбоев футболчи сифатида Англиянинг «Портсмут», «Локомотив» (ҳозир - «Остона») ва «Сункара» клублари захира таркибидаги ўйинлари билан таниш.