iPhone X, iPhone 8 ва iPhone 8 Plus эгалари алоқа учун Samsung Galaxy Note 8, Galaxy S8, S8 Active ва S8 Plus эгаларига нисбатан 1,5 баробар кўп пул тўлашади. Бу ҳақида oneFactor сунъий интеллект тизими ишлаб чиқарувчиларининг маълумоти далолат бермоқда.
2017 йилнинг декабрида iPhone X абонентлари алоқа хизматлари учун ўртача 1,8 минг рублга кўп пул тўлашган, iPhone 8 ва iPhone 8 Plus эгалари эса - минг ва 1,2 минг рубль атрофида.
Samsung Galaxy Note 8 учун ўртача чек 1,1 минг рублни ташкил қилди, Galaxy S8, S8 Active ва S8 Plus учун эса - тахминан 900 рубль.
Экспертларнинг аниқлик киритишича, Apple техникасидан фойдаланувчилар РФнинг барча минтақалари ва ҳатто Samsung фойдаланувчилари кўпчиликни ташкил қилувчи Узоқ Шарқда ҳам кўпроқ пул тўлашади. oneFactor'нинг таҳлил ва алгоритмлар бўйича директорининг сўзларига кўра, янги iPhone фойдаланувчилари ойига 11 Гб атрофида трафик тўлашади, Samsung соҳиблари эса - 8 Гб атрофида.
Tele2 маълумотларига кўра, iPhone эгаларидан тушадиган ARPU (абонентлардан тушувчи ойлик ўртача даромад) смартфонларнинг бошқа моделларига нисбатан 50 фоизга юқори. "Мегафон" маълумотларига кўра эса, iPhone фойдаланувчиларидан тушадиган ойлик ўртача тушум Samsung эгаларидан тушадиган даромадга нисбатан тахминан 10 фоизга юқори.
