Ўзбекистон президенти “Қишлоқ ва сув хўжалигида давлат бошқаруви тизимини тубдан такомиллаштириш бўйича ташкилий чора-тадбирлар тўғрисида”ги фармонни имзолади.
Ҳужжат билан Қишлоқ ва сув хўжалиги вазирлиги негизида:
Қишлоқ хўжалиги вазирлиги;
Сув хўжалиги вазирлиги ташкил этилди.
Ўзбекистон Республикаси Вазирлар Маҳкамаси ижро тузилмасидаги бош вазир ўринбосари – Қишлоқ ва сув хўжалиги вазири - қишлоқ хўжалиги ва озиқ-овқат маҳсулотларини қайта ишлаш масалалари комплексининг раҳбари лавозими тугатилади.
Вазирлар Маҳкамаси ижро тузилмасида бош вазир ўринбосари – қишлоқ ва сув хўжалиги, озиқ-овқат маҳсулотларини қайта ишлаш масалалари комплексининг раҳбари лавозими ташкил этилади.
Эслатиб ўтамиз, аввалроқ қишлоқ ва сув хўжалиги вазири Зойир Мирзаев лавозимидан кетгани маълум бўлганди.