Фото: AP Photo / Anjum Naveed
АҚШ Давлат департаментидан маълум қилишларича, Покистон ҳукумати Қўшма Штатларнинг Исломободдаги элчихонаси дипломатига мамлакатни тарк этишга рухсат берган. У Покистон пойтахтида ўлим билан якун топган ЙТҲга алоқадор эди, дея хабар қилмоқда РИА «Новости».
«Шуни тасдиқлашимиз мумкинки, Исломободда 7 апрель куни юз берган фожиали автомобиль ҳалокатига алоқадор бўлган америкалик дипломат Покистонни тарк этди», - дея қайд этиб ўтишган Давлат департаментидан.
Апрель ойида Geo TV телеканали Покистон пойтахтида америкалик ҳарбий атташе автомобили иштирокидаги ЙТҲ натижасида мотоциклчи ҳалок бўлганини хабар берганди.
Таъкидланишича, ҳарбий атташени дипломатик иммунитети туфайли ушлашмаган, бироқ унинг автомобили хатловга олинган.
