Жаҳон Банки таркибига кирувчи Халқаро Молия Корпорацияси (IFC) ва “Hamkorbank” акциядорлик тижорат банки, Ўзбекистонда микро ва кичик бизнесни кредитлашни кенгайтириш мақсадида 80 миллиард сўмлик, яъни – 10 миллион АҚШ доллари эквивалентидаги ўзининг инаугурацион облигациясини чиқарди. Бу халқаро бозорларда амалга оширилган Ўзбекистондаги дастлабки битимдир.
“Самарқанд”, деб номланган облигация Лондон фонд биржасига жойлаштирилди. Икки йиллик облигация ривожланаётган бозорлар учун мўлжалланган активларни бошқариш бўйича Европа фондлари билан бирга жойлаштирилди, мазкур битим ташкилотчиси сифатида ING Bank иштирок этди.
Облигацияни реализация қилишдан тушадиган даромадлар Ўзбекистонда етакчи банклардан бири бўлган «Hamkorbank» АТБни қўллаб-қувватлашга йўналтирилади, бу эса банкни миллий валютада узоқ муддатли молиялаштириш салоҳиятини оширади, натижада кичик бизнес субъектларини хорижий валютада қарз олиш билан боғлиқ таваккалчиликларнинг олдини олишга имконият беради.
Ўзбекистон Республикаси Марказий банки раисининг биринчи ўринбосари Тимур Ишметовнинг таъкидлашича, «Миллий валюта сўмдаги инаугурация облигацияларини чет эл инвесторларда қизиқиш уйғотганлигидан мамнунмиз. Келишувни муваффақиятли якунлашимиз Ўзбекистонда ўзбек сўмидаги инвесторлар базасини кенгайишига ва халқаро капитал бозорларида валюта профилини ошишига олиб келади. Ушбу муҳим келишувни амалга оширишга катта ёрдам берган IFCга ўз миннатдорчилигимни билдираман».
«Миллий валюта сўмда деноминация қилинган облигациялар бўйича келишувда IFC билан ҳамкорлик қилганимиздан хурсандмиз» - деб таъкидлади «Hamkorbank» АТБ Кенгаш раиси Икром Ибрагимов. «Бу, ўз навбатида, мижозларимизни миллий валютада кредитлаш имкониятларини кенгайтиради ҳамда хорижий валюта таваккалчиликларини камайтиришга олиб келади».
IFCнинг вице-президенти ва ғазначиси Жин-дун Хуа ҳам “Бу IFC томонидан кафолатланган ҳолда (Triple AАА) чиқарилган Ўзбекистон тарихидаги биринчи облигациядир. У капитал бозоридаги муҳим инновация бўлиб ҳисобланади. Бу «Hamkorbank» АТБнинг хорижий валюта билан боғлиқ таваккалчиликларини самарали тарзда ҳал қилишга кўмаклашади, натижада банкнинг кичик ва ўрта бизнес сектори ҳамда тадбиркорларни кредитлаш қобилиятини оширади”, дея таъкидлади.
IFC – Жаҳон банки таркибига кирувчи Жахон банкининг шуъба корхонаси бўлиб, ривожланаётган давлатларнинг хусусий секторларини ривожлантириш бўйича энг йирик глобал институт ҳисобланади. Бутун дунё бўйлаб 2 000 дан ортиқ компания билан ҳамкорлик қилади.
“Hamkorbank” АТБ ва IFC ўртасида ўзаро ҳамкорлик тарихи 2001 йилдан бошланган. Таъкидлаб ўтиш жоизки, кўп йиллик самарали ҳамкорлик натижасида Халқаро Молия Корпорацияси 2010 йилдан бошлаб “Hamkorbank” акционери бўлиб келмоқда. Банк капиталига инвестиция ва кичик бизнесни молиялаштириш йўналишларида 20.0 млн АҚШ долларидан ортиқ бўлган келишувлар имзоланган. 2011 – 2014 йиллар мобайнида IFC томонидан кредит рискларини бошқариш, ички назорат, ички аудит, маркетинг ва операцион рискларни бошқариш, корпоратив бошқарув йўналишларида, банкда агрокредит маҳсулотини жорий қилиш ва ривожлантириш соҳаларида банкка техник кўмак кўрсатилган. 2015 йилда банк филиаллар тармоғининг самарадорлигини ошириш ва ходимларни бошқариш тизимини яхшилаш йўналишида техник кўмак бўйича шартнома имзоланган ва ушбу йўналишларда техник кўмак ишлари давом этмоқда.
Банк ахборот хизмати
E-mail: contact@hamkorbank.uz
Тел: +998 74 298 05 37
Реклама ҳуқуқи асосида.
