25 январь куни Ўзбекистон матбуот ва ахборот агентлигининг матбуот залида «Солиқ сиёсатини такомиллаштириш ва иқтисодий самарадорлик» мавзусида матбуот анжумани бўлиб ўтди. Конференцияда Давлат солиқ қўмитаси ва Молия вазирлиги вакиллари иштирок этиб, аввалроқ, оммавий ахборот воситаларида бир неча марта кўтарилган мавзулар юзасидан изоҳ бериб ўтишди. Хусусан, Ўзбекистондаги йирик савдо марказларида товарлар нархининг ошиши, айрим супермаркетларнинг бўшаб қолган пешлавҳалари юзасидан муносабат билдирилди.
Молия вазири ўринбосари Дилшод Султоновнинг айтишича, импорт маҳсулоти савдодан йўқолиб кетганини тасдиқлаш қийин.
«Бизнинг маҳсулотларимизни (Ўзбекистонда ишлаб чиқарилган товарлар - таҳр.) бир четга қўяйлик, агар уларнинг етишмаслиги ҚҚС билан боғлиқ бўлса, импорт қилинадиган товарлар божхонадан ўтишда ҚҚС га тортилган-ку.
Агар товарлар нархини шакллантиришда ҚҚС инобатга олинган бўлса, унинг нархи ҳозир пасайиши керак. Мисол учун, мен 1 АҚШ долларга кир ювиш кукунини импорт қилдим. ҚҚСни тўлаганидан кейин унинг қиймати 1,20 долларга кўтарилади. Бунинг устига, шунингдек, 20 фоиз устамани белгилаб қўйиб, бу миқдордан 5 фоиз солиқ тўлаш керак эди.
Агар сиз ушбу маҳсулотни чакана сотувчиларга қаратсангиз, унинг қиймати 1,40 доллар бўлиши керак. Агар ҳисоб-китобларни кўриб чиқсангиз, шундай бўлиши керак.
Бироқ импорт қилинган маҳсулотлар ҳам йўқолди. Сабаби нима? Бунинг сабаби, импорт йўқлиги. Улар импорт бўлмаганми? Ҳужжатлар йўқ. Савол туғилади, бу маҳсулот қаердан пайдо бўлди? Энди сиз ҚҚС тизими билан ишласангиз, ҳар бир киши ҳисоб-фактурани сўрайди. Агар фактура мавжуд бўлмаса, мол-мулк қаердан олиш керак», – дейди у.
