Фото: KUN.UZ
“Менинг фикрим” жамоавий мурожаатлар порталида сиртқи таълим шаклида таҳсил олувчи талабаларнинг тўлов-контракт суммаларини камайтириш ҳақида петиция пайдо бўлди.
Билдирилишича, олий таълим муассасаларида сиртқи таълим шаклида таҳсил олувчи талабалар доимий тарзда таълим муассасасида ўқишмайди, стипендия олишмайди.
“Аммо уларнинг контракт тўловлари кундузги таълим шаклида ўқийдиган талабалар билан бир хил”, - деб ёзади мурожаат муаллифи.
“Таклифим, сиртқи таълим шаклида ўқувчи талабаларнинг контракт тўловлари суммасини камайтириш лозим”, - дейилади петицияда.
Қайд этилишича, шунда талабалар учун таълим олиш янада осонлашади.
