Фото: РИА Новости / Алексей Филиппов
Россиянинг Ленинград области Всеволожск шаҳрида Ўзбекистон фуқароси бўлган аёл ўта оғир аҳволда касалхонага ётқизилди. Унга тажовуз қилишда эри гумон қилинмоқда.
Gazeta.SPb хабарига кўра, 31 июль куни кечқурун 42 ёшли аёл Всеволожск марказий туман касалхонасига ётқизилди. Ўзбекистон фуқаросида бош мия жароҳати аниқланган, аҳволи эса ўта оғир деб баҳоланди.
Ҳуқуқни муҳофаза қилиш идоралари жиноятни содир этганликда гумон қилинган шахсни қўлга олди. У жабрланувчининг 45 ёшли турмуш ўртоғи эканлиги маълум бўлди. Дастлабки маълумотларга кўра, эркак ҳам Ўзбекистон фуқароси ҳисобланади ва Санкт-Петербургда вақтинча рўйхатдан ўтган.
Ҳуқуқни муҳофаза қилиш идоралари ходимлари жиноий иш қўзғатиш масаласини ҳал этмоқда.
