“Санкт-Петербург – Тошкент” рейси йўловчиси самолёт бортида жанжал келтириб чиқарди

Маст ҳолатда бўлган эркак жамоат тартибини бузган ва самолёт экипажи билан жанжал келтириб чиқарган.

Фото: ИИВ

ИИВ Транспорт ва туризм объектларида хавфсизликни таъминлаш департаменти матбуот хизмати хабарига кўра, йўловчи маст ҳолатда жамоат тартибини бузган ва ҳаво кемаси экипажи билан можаро уюштирган.

Самолёт “Санкт-Петербург – Тошкент” йўналиши бўйлаб ҳаракатланган. Аэропорт ҳудудида ушбу шахсга нисбатан Маъмурий жавобгарлик тўғрисидаги кодекснинг 183-моддаси (майда безорилик) билан баённома тузилди.

29 май куни жиноят ишлари бўйича Сергели туман суди унинг ишини кўриб чиқди. Судя уни 15 суткага маъмурий қамоққа олиш ҳақида қарор қабул қилди.