Фото: @pr.railway Facebook
Таиланд жанубида рельсларни ёғоч шпалларга маҳкамлайдиган 66 дона қотиргичнинг ўғирланиши натижасида йўловчи поезднинг олтита вагони изидан чиқиб кетди, деб хабар берди Bangkok Post газетаси.
Воқеа Бангкокдан 180 километр узоқликдаги Ча-Ам станцияси ҳудудида содир бўлган. Поезд вагонларида йўловчилар бўлмагани сабабли ҳеч ким жароҳат олмаган. Поезд ҳаракати бир неча соатга тўхтатилган.
Полиция ўғирланган қотиргичларни Ча-Ам шаҳрида металлолом сотиш билан шуғулланувчи шахснинг омборидан топган. У ўғирланган буюмларни сотиб олишда гумонланиб қўлга олинган.
Омбор эгаси қотиргичларни бир неча кун олдин номаълум шахслардан сотиб олганини айтган.
