Ўзбекистоннинг Коллектив хавфсизлик шартномаси ташкилоти (КХШТ)га қайтиши масаласи айни дамда кун тартибида эмас. Бу ҳақда Россия Федерациялар кенгаши раиси Валентина Матвиенко Ўзбекистон президенти Шавкат Мирзиёев билан музокаралардан сўнг маълум қилди.
«Бундай имконият бор. КХШТ эшиклари Ўзбекистон учун очиқ, бироқ бу масала айни дамда кун тартибида эмас», - деди у.
Матвиенконинг қайд этишича, Ўзбекистон қонунчилигида мамлакатнинг шундай иттифоқларга қўшилишига имкон бермайдиган нормалар белгилаб қўйилган.
«Мен бу масала қачондир кун тартибига қайтиши мумкинлигини истисно этмайман, лекин президент билан уни муҳокама қилмадик», - деди Матвиенко.
Ўзбекистон МДҲ хавфсизлигини таъминлашни назарда тутган ушбу ташкилотдан 1999 йилда чиқиб кетган ва 2006 йил августида яна қайта аъзо бўлиб кирган эди.
КХШТни барпо этиш ҳақидаги битим 1992 йилнинг май ойида Тошкентда имзоланган эди.
Унга собиқ Совет Иттифоқининг тўққиз республикаси аъзо бўлиб кирган.
Ҳозирда ушбу ташкилотга Арманистон, Белорусь, Қозоғистон, Қирғизистон, Россия ва Тожикистон аъзо бўлиб қолмоқда.
