Фото: Benoit Tessier/Reuters
Малида жанговар операция чоғида икки вертолёт тўқнашуви оқибатида франциялик 13 нафар ҳарбий хизматчи ҳалок бўлди, деб хабар берди Елисей саройи.
Хабарда айтилишича, фалокат 25 ноябрь куни кечки пайт содир бўлган. Вертолётлар тўқнашувига нима сабаб бўлгани маълум қилинмаяпти.
Ҳалок бўлганларнинг барчаси экстремистларга қарши операцияда иштирок этаётган бўлган.
Малидаги француз ҳарбийларининг асосий вазифаси маҳаллий экстремистик гуруҳларга қарши курашишда ёрдам беришдан иборат. Бу мамлакатда 2012 йилдан буён қуролли тўқнашувлар давом этмоқда.
