Фото: LiveJournal
2019 йил 21 декабрь куни А-373 “Тошкент – Ўш” автомобиль йўлида қор кўчкиси хавфи мавжуд бўлганлиги боис, автотранспорт воситаларининг ҳаракати вақтинчалик тўхтатилган.
«Ўзтемирйўлйўловчи» АЖ хабарига кўра, шу сабабли «Ўзбекистон темир йўллари» АЖ томонидан Фарғона водийсига ва Тошкент шаҳрига қараб автотранспортда йўлга чиққан йўловчиларни Поп станциясига етказиб қўйиш ҳамда Тошкент шаҳрига олиб келиш учун вақтинчалик қўшимча поезд қатнови йўлга қўйилди.
“Тошкент – Ангрен – Орзу – Поп – Тошкент” йўналишида ҳаракатланаётган мазкур поезд 2019 йил 21 декабрь куни соат 11:30да Тошкент Жанубий вокзалдан жўнатилди.
