Бугун – 2 февраль куни Тошкентдаги Hyatt Regency меҳмонхонасида Миллий масс-медиани қўллаб-қувватлаш ва ривожлантириш жамоат фонди томонидан амалга оширилиши режалаштирилаётган лойиҳалар тақдимоти бўлиб ўтди.
Тақдимотда жамоат фонди васийлик кенгаши раиси Комил Алламжонов, жамоат фонди васийлик кенгаши раисининг ўринбосари Саида Мирзиёева, шунингдек давлат органлари ва идоралари матбуот хизматлари вакиллари, оммавий ахборот воситалари ходимлари, журналист ва блогерлар ҳамда халқаро ташкилотлар вакиллари иштирок этди.
Тадбирда жамоат фондининг асосий фаолият йўналишлари, молиялаштириш манбалари ва келгусидаги режалари ҳақида маълумотлар берилди.
Шунингдек, блогер ва журналистларга бағишланган қўшиқ премьераси бўлиб ўтди.