Мамлакат адлия вазири Масако Мори ушбу ҳолат бўйича суриштирув олиб борилаётгани, Хирому Курокавага нисбатан "қатъий интизомий чоралар" кўрилишини маълум қилган.
Токио прокуратураси раҳбари Хирому Курокава Shukan Bunshun журналида унинг фавқулодда ҳолат режимини бузгани тўғрисида хабар чоп этилганидан сўнг истеъфога чиқишга қарор қилди.
Аввалроқ Shukan Bunshun magazine нашри у 1 ва 13 май кунлари "Санкэй симбун" газетасининг икки мухбири ва "Асахи Симбун" газетаси ходимлари билан пул тикиб мажонг ўйнаганини ёзганди.
ОАВнинг маълумот беришича, Курокава ушбу ҳолатлар рўй берганини тан олган. У истеъфога чиққани тўғрисида баёнот бериши кутилмоқда.
Токиода коронавирус тарқалиши сабабли фавқулодда ҳолат эълон қилинган ва одамлардан зарурият бўлмаса уйдан чиқмаслик сўралмоқда.
Мамлакат адлия вазири Масако Мори ушбу ҳолат бўйича суриштирув олиб борилаётгани, Курокавага нисбатан "қатъий интизомий чоралар" кўрилишини маълум қилган.
