Нью-Йорк шаҳри мэри Билл де Блазио афроамерикалик Жорж Флойд ўлими сабабли АҚШда ўтаётган норозилик намойишларида иштирок этган барчани коронавирусга тест топширишга чақирди.
Фото: AP Photo / Alan Diaz
“Агар сиз намойишлардан бирида қатнашган бўлсангиз, сизни коронавирусга тестдан ўтишга чақираман”, деб айтган мэр ўз сайтида намойиш қилинган матбуот анжуманда.
Унинг таъкидлашича, коронавирусга чалиниш хавфи ҳали ҳам мавжуд ва одамларнинг оммавий тўпланиши вирусга чалиниш ҳолатлари ортишига олиб келиши мумкин. Шу сабабли ниқобларни тақишни ва ижтимоий масофани сақлашни давом эттириш лозим.
Май охиридан бошлаб АҚШнинг йирик шаҳарларида Флойднинг полициячилар зўравонлиги оқибатида вафот этиши билан боғлиқ ҳолда намойишлар ва тартибсизликлар давом этиб келмоқда.
