Хабаровскда қотилликларга алоқадорликда айбланиб ҳибсга олинган ўлка губернатори Сергей Фургални қўллаб-қувватлаш учун ўн минглаб кишилар намойиш ўтказди.
![](https://storage.kun.uz/source/6/SUajUTzK-DCN3gsAygmXMhALSzmPqOGU.jpg)
Хабаровск ўлкаси губернатори маслаҳатчиси Захар Синяговскийнинг таъкидлашича, митингда 30 мингдан 50 минггача киши қатнашган. Хабаровск маъмуриятининг маълумотига кўра эса, акцияда 10 минггача киши қатнашган.
В Хабаровске с фразы "пойдёмте прогуляемся" началось новое шествие по улицам города. Поддержать нашу работу вы можете по ссылке https://t.co/4bIA6gx3yh pic.twitter.com/5WLuS7Ag5s
— ИА Закон (@zakon_agency) July 18, 2020
Намойишчилар ўлка ҳукумати биноси яқинидаги майдонга тўпланган. Улар «Озодлик!», «Фургал — бизнинг танловимиз!», «Мен, биз, у — бутун мамлакат Фургал учун!» дея хитоб қилган. Тўпланганлар Фургал устидан суд Хабаровскда ўтишини ҳамда очиқ ва одилона ўтишини талаб қилган.
Владивостокда ҳам Фургални қўллаб-қувватлаб бир неча юз киши намойиш ўтказди, деб хабар берди dvhab.ru портали.
Фургални қўллаб-қувватловчи намойишлар бир ҳафтадан бери давом этмоқда. Намойишлар губернатор қўлга олинган 9 июль кунидан бошланган.
Сергей Фургалга қотилликка уриниш ва 2004-2005 йилларда тадбиркорларнинг ўлдирилишини ташкиллаштириш айбловлари қўйилган.