Ўзбекистон бош вазири ўринбосари Беҳзод Мусаев «Ўзбекистон 24» телеканалига берган интервьюсида ҳозирги кунда коронавирус белгиларини сезган заҳоти шифоркорга мурожаат этиш кераклиги, айнан шу йўл билан соғлиқни сақлаш тизимига ёрдам бериш мумкинлиги ҳақида гапирди.
«Коронавирусни даволашга мослаштирилган 11та тиббиёт муассасаси энди коронавирус бўйича эмас, ўз ихтисослиги бўйича фаолиятини давом эттиради — улар сурункали касаллиги бор беморларни даволаш жараёнига қайтарилмоқда.
Шайлик - тўлиқ, бизга, соғлиқни сақлаш тизимининг ходимларига қийинчилик туғдираётган масала – халқимизнинг ўз вақтида мурожаат этмаётгани бўляпти. Сал ўзини ёмон ҳис қилдими, биринчиси, оилавий поликлиника, иккинчиси марказларга зудлик билан етиб келиш керак. Ҳарорат, бош оғриғи, кўнгил айниши, ҳолсизлик ҳолатларида мурожаат қилиш керак.
3 август куни Соғлиқни сақлаш вазирлиги янги даволаш протоколини тасдиқлади. Бу протоколга асосан аҳволи енгил бўлган беморларга тиббиёт муассасасида ҳам осма укол қилиш умуман мумкин эмас. Мутахассисларнинг сўзлари бўйича, бу пневмония эмас, пневмонит. Ўпкани тромбози билан блоклаб қўйяпти. Осма укол коронавирусни даволамайди. Ҳозирги кунда осма уколдан тўлиқ воз кечишимиз керак», деган Беҳзод Мусаев.
