2021 йил 27 январь ҳолатига кўра, Ўзбекистонда Хитойнинг коронавирусга қарши ZF 2001 вакцинаси синовида иштирок этиш учун умумий ташриф буюрганлар сони 11 025 нафарни ташкил этди.
Фото: Инновацион ривожланиш вазирлиги
Инновацион ривожланиш вазирлиги хабарига кўра, улардан 4 757 нафар кўнгилли вакцинанинг 1-дозаси билан ва 493 нафар кўнгилли вакцинанинг 2-дозаси билан эмланди.
Маълум қилинишича, ушбу тадқиқотдаги янги коронавирус вакцинаси Anhui Zhifei Loncom Biofarmaceutical компанияси томонидан ишлаб чиқарилган 5 000 нафар кўнгиллида синаб кўрилади.
Эслатиб ўтамиз, Ўзбекистонда 2021 йилнинг 1 февралидан тиббиёт ходимларини оммавий эмлаш жараёнларига тайёрлаш бўйича машғулотлар ўтказиш режалаштирилаётгани ҳақида маълум қилинган эди.
