Ветеринария илмий-тадқиқот институти олимлари илк маротаба маҳаллий штаммлар асосида қуёнларнинг пастереллёз касаллигига қарши ГОА формол вакцинасини ихтиро қилишди.
Институтнинг микробиология лабораторияси олимлари томонидан ишлаб чиқилган мазкур ишланма Интеллектуал мулк агентлигидан “Қуёнлар пастереллёзига қарши ГОА формол вакцина” патентини олди.
Эътироф этиш керак, чет элди ишлаб чиқилган “Қуёнларни пастереллёзига қарши экстракт формол вакцина”нинг 1 литри 52 АҚШ долларини ташкил этади. Маҳаллий штаммлардан тайёрлаб ишлаб чиқарилган ГОА формол вакцинанинг 1 литри 376 минг сўмга баҳоланган.
Таъкидлаш керак, ветеринар олимлар томонидан яратилган ушбу вакцина юртимизда қуёнчиликнинг ривожланишига, қуёнчилик билан шуғулланаётган тадбиркорлик субъектларининг иқтисодий самарадорлиги ортишига ҳисса қўшиши шубҳасиз.
Ветеринария ва чорвачиликни ривожлантириш қўмитаси ахборот хизмати
Реклама ҳуқуқи асосида
