АҚШ Тайван Хитой билан урушадиган бўлса, Тайван томонда жанг қилмаслиги керак. Бундай фикрни истеъфодаги америкалик подполковник Дэниел Дэвис Business Insider нашри учун ёзган мақоласида билдирди.
“Биз учун Пекинни ушлаб туришнинг энг яхши йўли – Тайбэйни ўз мудофаасига сармоя қилиш ва қурол сотиб олишга ундаш ҳисобланади”, деб ёзган ўз мақоласида Дэвис.
У бу масалада очиқчасига гапиришга чақирди. Унинг фикрича, Хитой оролни қўшиб олишни истаса, АҚШ Хитой билан урушга киришмаслиги лозим.
Ҳарбийнинг таъкидлашича, агар Вашингтон барибир Тайван томонда урушга киришишга қарор қилса, унда бу улкан оқибатларга олиб келади: АҚШга учраган йўқотишлардан ўзини ўнглаб олишига ўнлаб йиллар керак бўлади. Энг ёмон воқеалар ривожида вазият назорат остидан чиқиб кетиши ва икки йирик давлатнинг ўзаро ядро зарбалари беришига олиб келиши мумкин.
Дэвиснинг айтишича, бундай вазиятда Вашингтон бор-будини йўқотади ва ҳеч нарса қўлга киритмайди. Агар у босиқлик кўрсатса, унда “Тайван билан уруш оқибатида заифлашган Хитой устидан устунликка эришиши мумкин бўлади”.
