Еврокенгаш раҳбари Шарл Мишел Озарбойжон президенти Илҳом Алиев ва Арманистон бош вазири Никол Пашинян билан Брюсселда учрашув ўтказиш тўғрисида келишувга эришган.
Озарбойжон ЕИнинг Брюсселда Озарбойжон ва Арманистон раҳбарлари ўртасида учрашув ўтказиш тўғрисидаги таклифига розилик берди. Бу ҳақда Озарбойжон ТИВга таяниб ТАСС хабар қилмоқда.
“Озарбойжон томони сиёсий мулоқот учун ҳамиша очиқ ва бундай мулоқотларга ижобий ёндашади. Шу жиҳатдан Озарбойжон томони Европа кенгаши раисининг ЕИ воситачилигида икки мамлакат раҳбарлари учрашувини ташкил этиш тўғрисидаги таклифига розилик берди”, – дейилади республика ТИВ хабарида.
Жума куни Еврокенгаш раҳбари Шарл Мишел Озарбойжон президенти Илҳом Алиев ва Арманистон бош вазири Никол Пашинян билан 15 декабрь куни Брюсселда учрашув ўтказиш тўғрисида келишувга эришгани маълум қилинди.
Еврокенгаш баёнотида айтилишича, икки мамлакат раҳбарлари “Шарқий ҳамкорлик” саммитида “минтақадаги вазият ва Жанубий Кавказда барқарор ва фаровонлик бўлиши учун кескинликни бартараф қилиш йўлларини муҳокама қилади”.
