Парижда 2021 йил учун «Олтин тўп» совринини топшириш маросими бўлиб ўтди.
Унда «ПСЖ» ҳужумчиси Лионель Месси фаолиятида 7-бор «Олтин тўп»ни қўлга киритди.
34 ёшли футболчи якунланаётган йилда Аргентина билан Америка Кубогида ғолиб бўлди, «Барселона» сафида Испания Кубогини қўлга киритди, Ла Лигада энг яхши тўпурарга айланди.
Кучли бешликдан «Бавария»нинг польшалик форварди Роберт Левандовски (2), «Челси»нинг италиялик яримҳимоячиси Жоржиньо (3), «Реал»нинг франциялик ҳужумчиси Карим Бензема (4), «Челси»нинг франциялик яримҳимоячиси Нголо Канте (5) ҳам ўрин олди.
Шунингдек, маросимда қуйидаги номинацияларда ҳам ғолиблар аниқланди:
Энг яхши аёл футболчи — Алексия Путелльяс («Барселона» / Испания)
Лев Яшин мукофоти — Жанлуижи Доннарумма («ПСЖ» / Италия)
Энг яхши ҳужумчи — Роберт Левандовски («Бавария» / Польша)
Энг яхши ёш футболчи — Педри («Барселона» / Испания)
Йилнинг энг яхши клуби — «Челси» (Англия)
