Фото: Kun.uz
Uzbekistan Airways’нинг Тошкент – Истанбул ва Фарғона – Истанбул рейслари бекор қилинди. Бу ҳақда авиакомпания хабарида айтилган.
Истанбул халқаро аэропорти фаолияти тўлиқ тўхтатилгани муносабати билан (кучли қор, кўришнинг етарли даражада эмаслиги), Uzbekistan Airways АЖ 2022 йил фақат 26 январь куни бажариши режалаштирилган HY–271/272 Тошкент - Истанбул – Тошкент ва HY-277/278 Истанбул -Фарғона -Истанбул йўналиши бўйича рейслари бекор қилинди.
Бекор қилинган парвозлар йўловчилари чиптанинг тўлиқ қийматини сотиб олинган жойда қайтариш ёки 27 январь кунига ёки парвозлар қайта тикланганидан кейин ҳар қандай кунга бепул кўчириш ҳуқуқига эга.
