Uzbekistan Airways Ўзбекистон ва Грузия ҳудудлари ўртасидаги тўғридан тўғри авиақатновларни ривожлантириш учун янги йўналишларни йўлга қўйишни давом этмоқда.
2022 йил 21 майдан бошлаб Uzbekistan Airways Тошкент – Батуми – Тошкент халқаро йўналиши бўйича мавсумий парвозларни амалга оширади.
Тошкентдан курорт шаҳарга авиақатновлар ҳафтасига икки марта – чоршанба ва шанба кунлари қуйидаги жадвал бўйича амалга оширилади:
- чоршанба кунлари, Тошкентдан учиш: 14:30, Батумига қўниш: 17:15, Батумидан учиш: 18:45, Тошкентга қўниш: 23:00;
- шанба кунлари, Тошкентдан учиш: 06:35, Батумига қўниш: 09:20, Батумидан учиш: 10:50, Тошкентга қўниш: 15:05.
Грузияга кириш учун эмланганлик ҳақидаги сертификатнинг асл нусхасини тақдим этиш керак. Акс ҳолда, 10 ва ундан катта ёшдаги йўловчилар ПЗР-тестининг манфий натижасини тақдим этиши керак (амал қилиш муддати 72 соат). Тест олдиндан тасдиқланиши ва рўйхатдан ўтказилиши керак.
Тошкент – Батуми йўналиши бўйича авиачипта нархи 2 386 569 сўмдан (багажсиз) ва 2 746 353 сўмдан (багаж билан), Тошкент – Батуми – Тошкент йўналиши бўйича эса 4 070 059 сўмдан (багажсиз) ва 4 621 728 сўмдан (багаж билан) бошланади.
Эслатиб ўтамиз, 2019 йил ўрталаридан бошлаб Uzbekistan Airways Тошкент – Тбилиси – Тошкент йўналиши бўйича ҳафтасига икки марта – сешанба ва жума кунлари мунтазам авиақатновларни амалга оширмоқда.