Тошкент вилоятида дарё ўртасида машинаси билан қолиб кетган фуқаро қутқарилди.
ФВВ хабар қилишича, Тошкент вилояти Фавқулодда вазиятлар бошқармаси Тезкор бошқарув марказига Сирдарё дарёсидаги оролчада автомашинаси билан қолиб кетган фуқародан хабар келиб тушган.
Аниқланишича, бир фуқаро ўз автомобилида ҳордиқ чиқариш мақсадида Сирдарё дарёсига бориб, дарё сатҳи паст бўлгани сабабли машинасида оролчага ўтган. Орадан бир оз вақт ўтиб, сув сатҳи тўсатдан кўтарилиб кетгани боис дарёдан чиқа олмай қолган.
Воқеа жойига жалб қилинган Чиноз тумани Фавқулодда вазиятлар бўлими қутқарувчилари томонидан махсус техника ёрдамида автомашина хавфсиз жойга олиб чиқилди.
