Тошкентда 2 ёшли қизчанинг бармоғи темир халқага тиқилиб қолди. Қутқарувчилар ёрдамга борган

Қизчани яқинлари Республика шошилинч тез тиббий ёрдам илмий марказига олиб борган, шифокор эса қутқарувчиларни чақирган.

Фото: ФВВ

Тошкент шаҳрида қутқарувчилар 2 ёшли қизга ёрдам кўрсатишди. Бу ҳақда ФВВ хабар берди.

Маълум қилинишича, 9 феврал куни соат 19:56да Республика шошилинч тез тиббий ёрдам илмий марказидан Тошкент шаҳар ФВБга 2022 йилда туғилган боланинг кўрсаткич бармоғи темир жисмга кириб қолгани ва унга ёрдам кераклиги тўғрисида хабар келиб тушган.

ФВВ қутқарувчилари шифохонага зудлик билан етиб борган. Қизалоқнинг бармоғидаги темир жисм махсус асбоб-анжомлар ёрдамида эҳтиёткорлик билан олиб ташланган ҳамда у соғ-саломат онасига топширилган.

#Тошкент #ФВВ

Kun.uz янгиликларини Google News'да кузатинг

+ Обуна бўлиш