Енгил автомобиллар ишлаб чиқариш ҳажми 30 мингтага ошган. Бу ҳақда Давлат статистика қўмитаси маълумот берди.
Фото: Давлат статистика қўмитаси
Қўмита хабарига кўра, 2022 йилнинг январь-апрель ойларида Ўзбекистонда 95 023 та енгил автомобиллар ишлаб чиқарилган.
Ишлаб чиқарилган енгил автомобиллар сони ўтган йилнинг мос даврига нисбатан 30 036 тага ошган.
2022 йилнинг январь-апрель ойларида айрим турдаги саноат маҳсулотларини ишлаб чиқариш ҳажми қуйидагича:
- автомобил бензини – 382,3 минг тонна;
- кўмир – 1,6 млн. тонна;
- нефт – 248 минг тонна;
- газ конденцати – 459 минг тонна;
- енгил автомобил – 95 023 дона;
- автобус – 247 дона;
- юк автомобиллари – 1188 дона;
- автомобил двигателлари – 71,1 минг дона.
Қайд этилишича, апрель ойида энг кўп “Cobalt” автомобили ишлаб чиқарилган.
Статистика қўмитаси маълумотларига кўра, автомобил ишлаб чиқариш саноатида 2022 йилнинг апрель ойида ишлаб чиқарилган енгил автомобиллар сони қуйидагича:
- “Cobalt” - 9 498 дона;
- “Lacetti-Gentra” - 6 866 дона;
- “Damas” - 6 205 дона;
- “Spark” - 1 526 дона;
- “Nexia T-250” - 623 дона;
- махсус енгил автомобиллар - 1 320 дона.
Бундан олдин “иномарка”лар импорти икки бараварга ошгани хабар қилинганди.
