Ўзбекистон асосан қайси давлатларга мева ва сабзавотларни экспорт қилаётгани маълум қилинди. Давлат статистика қўмитаси тегишли хабар билан чиқди.
Қўмита маълумотларига кўра, 2022 йилнинг январь-май ойларида Ўзбекистон 335 млн АҚШ долларлик мева ва сабзавотлар экспорт қилган.
Ўзбекистон 2022 йилнинг 5 ойида энг кўп мева ва сабзавот маҳсулотларини экспорт қилган давлатлар орасида Қозоғистон ва Россия етакчилик қилмоқда, мос равишда - 314 минг тонна ва 118 минг тонна.
Ушбу кўрсаткич қолган давлатлар кесимида қуйидагича кўриниш олди:
- Қирғизистон – 53 минг тонна;
- Хитой – 48 минг тонна;
- Афғонистон – 19 минг тонна;
- Беларусь – 11 минг тонна;
- Покистон – 7 минг тонна;
- Туркия – 6 минг тонна;
- Украина – 4,9 минг тонна;
- Эрон – 4,5 минг тонна;
- Озарбойжон – 3,8 минг тонна;
- БАА – 3 минг тонна;
- Германия – 1 минг тонна.
Бундан олдин Ўзбекистон 5 ойда хорижга 335 млн долларлик мева ва сабзавотлар сотгани хабар қилинганди.