14:48 / 07.07.2022

Харкивда университет ўққа тутилди, Северск — бомбардимон қилинмоқда. Уруш суратлари

Украинада урушнинг 133-куни ўтди.

6 июлга ўтар кечаси россиялик ҳарбийлар Харкивдаги Григорий Сковорода номидаги Миллий педагогика университети биносига ҳаво ҳужуми уюштирди; қоровул ҳалок бўлди. РФ мудофаа вазирлиги АҚШ Украинага яқинда етказиб берган иккита HIMARS баравар ўт очиш реактив тизими яксон этилганини маълум қилди, Украина қуролли кучлари бош штаби буни «фейк» деб атади. Донбасс шимолида отишмалар давом этмоқда — Северск шаҳри ҳам зарбалардан жиддий жабрланмоқда. Ирландия бош вазири Киев областига келди ва Украинани Евроиттифоққа кириш масаласида қўллаб-қувватлашни ваъда қилди. Москва Путин ноябрда G20 саммитида иштирок этмоқчилиги ҳақида хабардор қилди. Саммитга Зеленский ҳам таклиф этилган.

Қуйида 6 июл куни Украинанинг турли ҳудудларида олинган суратлар.

Харкив области

Виктор Шевченко Харкивнинг Салтивка районидаги йўлга тушган ракетадан ҳосил бўлган ўра ичида. Урушга қадар ярим миллион киши яшаган Салтивкада ҳозирда жуда кам одам қолган, ҳудудда ичимлик суви ва электр токи йўқ.
AP Photo/Evgeniy Maloletka, File

Россия ҳужумидан шикастланган кўп қаватли уйларнинг кўриниши
AP Photo/Evgeniy Maloletka, File

Салтивкадаги турар жой биноларининг синган ойнадан кўриниши
AP Photo/Evgeniy Maloletka, File

Г.С. Сковорода номидаги Миллий педагогика университети авиазарбадан кейин. Харкив области прокуратураси маълумотига кўра, ушбу зарба оқибатида 40 ёшли қоровул ҳалок бўлган. Фото: Sergey Bobok / AFP / Scanpix / LETA

Харкив педагогика университети биносининг синган витражлари. 6 июлга ўтар кечаси Харкивда учта район ҳудуди ўққа тутилди, университетдан ташқари маъмурий бинолар ҳам зарар кўрган.
Sofia Bobok / Anadolu Agency / ABACAPRESS / ddp images / Vida Press

Донбасс шимоли

Narciso Contreras / Anadolu Agency / ABACAPRESS / ddp images / Vida Press

Украина ҳарбийлари Северскда яраланган аскарни олиб кетмоқда. Америкадаги Урушларни тадқиқ қилиш институти (ISW) 6 июл кунги ҳисоботида Россия армияси Лисичанскдан ғарбга ва Луганск области чегарасидан Северск йўналиши бўйича ҳаракатланаётгани ҳақида хабар берди. Украина ҳарбийларига кўра, Северск ҳудудига ҳаво зарбалари берилган.

Зарбалар остида қолаётган Северскда ҳовлида ўтирган ёшлар
Narciso Contreras / Anadolu Agency / ABACAPRESS / ddp images / Vida Press

«ЛХР» халқ милициясининг «Август» батальони танкчилари Луганск областидаги позицияда.
Станислав Красильников / ТАСС

Северск ўққа тутилгач ярадор аскарларни олиб кетаётган тез ёрдам машинаси.
Narciso Contreras / Anadolu Agency / ABACAPRESS / ddp images / Vida Press

Киев области

Niall Carson / PA Wire / PA Images / Scanpix / LETA

Киевдаги Михайловская майдони. Княгиния Ольга ёдгорлиги ўқлардан ҳимоялаш учун қум тўлдирилган қоплар билан ўраб қўйилган. Сурат Ирландия бош вазири Михол Мартиннинг Украинага ташрифи вақтида олинган. У Ирландия урушдан кейин Украинани тиклашга ёрдам беришини ваъда қилди.