1991 йил 31 августда Олий кенгашнинг Тошкент шаҳрида бўлиб ўтган навбатдан ташқари сессиясида «Ўзбекистон Республикасининг давлат мустақиллигини эълон қилиш тўғрисида»ги қарор қабул қилинди. Худди шу қарор билан 1 сентябр Мустақиллик куни, шунингдек, дам олиш куни деб эълон қилинди.
Фото: Uzarxiv
Давлат мустақиллигини эълон қилиш тўғрисидаги Олий кенгаш қарорининг асл нусхаси «Ўзархив»да эълон қилинди.
Эслатиб ўтамиз, 1991 йил 31 августда «Ўзбекистон Республикаси давлат мустақиллигининг асослари тўғрисида»ги қонун ҳам қабул қилинган эди.
1990 йил 20 июнда Ўзбекистон ССР Олий кенгашининг иккинчи сессиясида суверенитет тўғрисидаги декларация қабул қилинди.
