Украина президенти Володимир Зеленский Кишинёвдаги Европа сиёсий ҳамжамиятининг саммитида шахсан иштирок этади. 1 июнь куни у Молдовага етиб борди. Украина президентини Молдова президенти Майя Санду кутиб олди.
«Бугун биз Молдовада ишлаяпмиз, — деб ёзган Зеленский телеграмда. — Кўплаб икки томонлама учрашувлар режалаштирилган». Украина президентининг айтишича, Украина «қирувчилар коалицияси»дан ташқари иттифоқчиларга « Patriot зенит-ракета тизимлари коалициясини» таклиф қилмоқчи. Шунингдек, унинг сўзларига кўра, Европа Иттифоқи ва НАТО билан Украина «тинчлик формуласи» бўйича ҳамкорликни муҳокама қилиш режалаштирилган. «Ҳамма нарса келажагимизни ҳимоя қилиш учун», - деди Зеленский.
Зеленскийнинг Кишинёвга ташрифи режалари хавфсизлик нуқтайи назаридан сўнгги дақиқагача ошкор этилмади.
Кишинёвдаги саммит - Европа сиёсий ҳамжамияти тарихидаги иккинчи шундай тадбир. Молдова пойтахтида унинг ўтказилиши муносабати билан хавфсизлик чоралари кучайтирилди ва НАТО авиацияси осмонни ҳимоя қилишга жалб қилинди (у Молдова ҳаво ҳудудига кирмайди).
