26 июн куни Ўзбекистондаги етакчи хусусий таълим муассасаларидан бири - AKFA университетида муҳим тарихий ҳодиса рўй берди. Шу кундан бошлаб университет янги — Central Asian University (CAU) номи билан аталади. Шунингдек, университет ребрендингни ҳам ўтказди. Маъмурият таъкидлаганидек: "Ушбу стратегик қарор таълим муассасамизни Марказий Осиёдаги етакчи олий таълим муассасаси сифатида шакллантириш йўлидаги муҳим қадам бўлади".
AKFA университети номининг Central Asian University (CAU)га ўзгартирилиши университетнинг илмий ютуқларни ривожлантириш ҳамда тадқиқот ва инновациялар соҳасида етакчиликни кучайтиришга қаратилган улкан мақсадларини акс эттиради. Янги университетнинг асосий вазифаси Марказий Осиёдан келган талабаларга юқори сифатли таълим ва илғор илмий тадқиқотлардан фойдаланиш имкониятини беришдан иборат.
Central Asian University (CAU)даги трансформация институт ва унинг таълим соҳасидаги ташаббуслари учун кенг истиқболларни очади. Асосий вазифа — Марказий Осиё халқлари ўртасида ўзаро шериклик ва ҳамкорликни ривожлантириш, уларнинг ўсиши ва ривожланишига кўмаклашувчи кучли тармоқ яратиш.
Университет номининг ўзгартирилиши CAU'нинг Ўзбекистонда ҳам, унинг ташқарисида ҳам тадқиқот, инновациялар ва академик ютуқлар бўйича етакчи бўлишга интилишига урғу беради. Central Asian University (CАУ) нафақат Марказий Осиёдан, балки бутун дунёдан талабаларни жалб қилувчи инновация ва технологияга асосланган таълим марказига айланади.
Ислоҳотлар жараёнида Университет ўз қадриятларини сақлаб қолиш, шунингдек, талабаларга энг юқори даражадаги билим ва таълим беришни мақсад қилган. Central Asian University (CAU) таълим дастурларини такомиллаштириш, таниқли профессор-ўқитувчиларни жалб этиш ва замонавий инфратузилмани ривожлантиришни давом эттиришни режалаштирмоқда.
"Ушбу тарихий лаҳзадан келиб чиқиб, биз талабаларимиз, профессор-ўқитувчиларимиз, ходимларимиз ва ҳамкорларимизга матонатлари ва фидойиликлари учун самимий миннатдорчилигимизни билдирамиз. Биз биргаликда Central Asian University (CAU) тарихини ёзамиз ва республикамиз ва Марказий Осиёдаги етакчи университетлардан бирига айланиш учун бор кучимизни сарфлаймиз", — дейилади пресс-релизда.
Қўшимча маълумотни университет маъмурияти билан боғланиш орқали олиш мумкин.
Реклама
