Ижтимоий тармоқларда бир нечта фуқаролар ўзаро жанжаллашгани акс этган видео тарқалиб, турли муҳокамаларга сабаб бўлмоқда. Тошкент шаҳар ИИББ мазкур ҳолат юзасидан расмий маълумот берди.
Фото: ИИВ
Жорий йилнинг 27 март куни тахминан соат 16:00 ларда Яшнобод тумани, Фарғона йўли 3-берк кўчасида 5 нафар фуқаро 1986 йилда туғилган Э.А. ва 1993 йилда туғилган Х.А. билан ўзаро жанжаллашиб кетгани аниқланган. Жанжал натижасида Э.А. ва Х.А. тан жароҳати олиб, тиббиёт муассасасига мурожаат қилган.
Мазкур ҳолатлар юзасидан Яшнобод тумани ИИО ФМБ ҳузуридаги Тергов бўлими томонидан Ўзбекистон Республикаси Жиноят кодексининг 277-моддаси (“Безорилик”) аломатлари билан жиноят иши қўзғатилган. Тергов давом этмоқда.
