Qayd etilishicha, «delta» shtammi bilan bog‘liq o‘limlar darajasi yuqori bo‘lib turibdi.
Foto: David W Cerny/Reuters
Koronavirus infeksiyasining «delta» shtammi 132 mamlakatda qayd etildi. Bu haqda Jahon sog‘liqni saqlash tashkiloti bosh direktori Tedros Adanom Gebreyyesus ma'lum qildi.
«COVID-19 kasalligini keltirib chiqaruvchi virus butkul o‘zgarib ketdi va o‘zgarishda davom etmoqda», — deb ta'kidladi Gebreyyesus.
Qayd etilishicha, «delta» shtammi bilan bog‘liq o‘limlar darajasi yuqori bo‘lib turibdi.
«U «alfa» variantiga nisbatan yanada yuqumli. Laborator tadqiqotlarga ko‘ra, bu shtamm tez tarqaladi», — dedi JSST eksperti Mariya van Kerkxove.
Gebreyyesusning so‘zlariga ko‘ra, SARS-CoV-2 mutatsiyaga uchrashda davom etmoqda, bu esa uning yanada xavfli ko‘rinishlari paydo bo‘lishi mumkinligini anglatadi.
