O‘zbekiston va JSST Orolbo‘yi uchun loyihalarni kengaytiradi

O‘zbekiston tashqi ishlar vazirining o‘rinbosari Muzaffar Madrahimov Jahon sog‘liqni saqlash tashkilotining (JSST) O‘zbekistondagi vakolatxonasi rahbari Ashina Xalakdina bilan uchrashuv o‘tkazdi.

TIV ma’lumotiga ko‘ra, suhbat chog‘ida O‘zbekiston va JSST o‘rtasidagi hamkorlikning ustuvor yo‘nalishlari muhokama qilindi. Tomonlar «O‘zbekiston–2030» strategiyasining tegishli bandlarini amalga oshirishda yaqin aloqalarni davom ettirish zarurligini ta’kidladilar.

Orolbo‘yi mintaqasini rivojlantirishga qaratilgan loyihalarni kengaytirish bo‘yicha hamkorlikni faollashtirishga alohida e’tibor qaratildi.