Samarqand shahrida Nexia 3 mashinasi beton to‘siqqa urilgan. Oqibatda haydovchi vafot etgan. Bu haqda viloyat IIB axborot xizmati xabar bermoqda.
Ma'lum qilinishicha, joriy yil 17 noyabr kuni tungi vaqtda Samarqand shahar Amir Temur ko‘chasida o‘lim bilan bog‘liq yo‘l-transport hodisasi sodir bo‘lgan.
Nexia 3 mashinasi yo‘l chetidagi beton to‘singa urilgan. Oqibatda, uning haydovchisi og‘ir tan jarohatlari olib voqea joyida vafot etgan.
Dastlabki surishtiruvlarda aniqlanishicha, haydovchi uxlab qolgan va boshqaruvni yo‘qotgan.
