2022 yil 28 fevral kuni O‘zbekiston tashqi ishlar vaziri Abdulaziz Komilov raisligida vazirlikning kengaytirilgan hay’at yig‘ilishi bo‘lib o‘tdi.
Tashqi ishlar vazirligi xabariga ko‘ra, yig‘ilishda vazirlik tarkibiy bo‘linmalariga yangi tayinlangan rahbarlar tanishtirildi:
Baxtiyor Ibrohimov (ilgari O‘zbekistonning Birlashgan Arab Amirliklaridagi elchisi lavozimida ishlagan) – Iqtisodiy diplomatiya departamenti direktori lavozimiga tayinlandi;
Sarvar Mirzarahimov (ilgari Davlat protokoli boshqarmasi bo‘lim boshlig‘i lavozimida ishlagan) – Davlat protokoli boshqarmasi boshlig‘i v.b. lavozimiga tayinlandi;
Umid Akromov (ilgari Tashqi ishlar vazirligi Moliya-iqtisodiyot boshqarmasi bosh mutaxassisi lavozimida ishlagan) – Xo‘jalik ta’minot boshqarmasi boshlig‘i v.b. lavozimiga tayinlandi.