«Очиқ бюджет»га бериладиган маблағ 3 карра оширилиб, 24 триллион сўмга етказилади — Шавкат Мирзиёев
Ўзбекистонда ҳокимлар кенгаш олдида, халқ олдида ҳисобдор бўлган тизим жорий этилади. Бу ҳақда президентликка номзод Шавкат Мирзиёев маълум қилди.
Қайд этилишича, мол-мулк ва ер солиқлари маҳаллада қолиши ҳисобига, маҳалла бюджетида йилига 3 триллион сўм маблағ пайдо бўлади.
Келгуси йилда «Очиқ бюджет»га бериладиган маблағ 3 карра оширилиб, 24 триллион сўмга етказилади. Маҳалла раисларининг ваколат муддати 3 йилдан 5 йилга узайтирилади.
«Биз очиқлик сиёсатини изчил давом эттириб, оммавий ахборот воситалари фаолиятининг эркинлиги, фуқароларнинг ахборот олиш, фойдаланиш ва тарқатишга бўлган ҳуқуқларини қатъий кафолатлаймиз.
Нодавлат нотижорат ташкилотларини янада қўллаб-қувватлаб, улар учун барча шароитларни яратамиз. Бизнинг мақсадимиз аниқ ва ўзгармасдир – демократик давлат ва фуқаролик жамияти қуриш йўлини миллий тараққиётга эришишнинг ягона тўғри йўли деб ҳисоблаймиз», деди у.
Мавзуга оид
13:56 / 19.08.2023
Шавкат Мирзиёев Венгрияга жўнаб кетди
20:18 / 18.08.2023
Шавкат Мирзиёев Венгрияга боради
19:36 / 18.08.2023
«Жанубий Осиёга чиқиш учун энг яхши йўл» — президент Афғонистон орқали ўтадиган темирйўл ҳақида
18:27 / 18.08.2023