Унинг Ўзбекистондаги яқин қариндошлари қидирилмоқда.
Апрел ойи ўрталарида Истанбул шаҳрининг Султонбейли туманида вақтинча яшаётган ва иш фаолиятида бўлган Ўзбекистон фуқароси зинадан йиқилиши оқибатида ҳаётдан кўз юмди. Бу ҳақда Ўзбекистоннинг Истанбул шаҳридаги Бош консулхонаси хабар берди.
Қайд қилинишича, 1971 йилда Самарқанд вилоятида туғилган Рустамов Қаҳрамон Азамович иш жойида зинадан йиқилиб, хушини йўқотган ва воқеа жойида вафот этган.
Ҳозирги вақтда фуқаронинг жасади моргда сақланмоқда, унинг Ўзбекистондаги яқин қариндошлари ёки танишлари қидирилмоқда.